தமிழ் வலைப்பதிவு

3 Responses to “ ‘உதிரிப்பூக்கள்’ கடைசிக்காட்சியைப்பற்றி மரத்தடிக்காரர் எஸ்.பாபு ”

1. # 1 Kana Praba Says:
   May 8th, 2008 at 6:45 pm

   பாபுவின் கூர்ந்த அவதானிப்பும் எழுத்தாளுமையும் வியக்கவைக்கின்றது, அகழ்வாராய்ச்சி செய்து எடுத்துத் தந்தமைக்கு நன்றி. தொடர்ந்தும் இப்படியான பழைய கருத்தாடல்களையோ பதிவுகளையோ மூத்த (!) பதிவராகிய நீங்கள் செய்தால் மொக்கை வைரஸ் பதிவுகளை அழிக்கலாம்.

   இந்தப் பதிவின் தாக்கத்தில் இன்று போடவிருந்த கயல்விழியின் பாடல் தொகுப்பை நேற்றே இட்டுவிட்டேன், அதில் அழகிய கண்ணே (உதிரிப்பூக்கள்) பாட்டும் இருக்கும்.

   மகேந்திரனின் “நானும் என் சினிமாவும்” எடுத்துப் படியுங்கள், இந்தப் படங்கள் குறித்த வியப்பான இன்னொரு அனுபவத்தையும் பெறலாம்.

2. # 2 எஸ். பாபு Says:
   May 13th, 2008 at 12:13 pm

   அன்பு மதி:
   மீண்டும் சந்திப்பதில் மிக்க மகிழ்ச்சி. மரத்தடிக் காலம் மிக அற்புதமான காலம். அப்போது எனக்கு எழுத நிறைய நேரம் இருந்தது. அதன் பிறகு இந்தியாவுக்கு திரும்பிய நான் சில மாதங்கள் பணியாற்றிய பின் மீண்டும் ஆராய்ச்சிப் பணிக்காக அமெரிக்கா சென்று மூன்று வருடங்கள் இருந்தேன். எல்லாம் தற்காலிகப் பணிகள். நிரந்திர வேலை பெற வாய்ப்பு ஏதும் கிட்டாததால் கடந்த ஜனவரி 2008 இந்தியா திரும்பினேன். தற்போது கோயமுத்தூரில் ஒரு தனியார் கல்லூரியில் உயிர்தொழில்நுட்பவியல் துறையில் உதவிப் பேராசிரியராக வேலையில் சேர்ந்துள்ளேன். இப்போது எழுத நேரம் கிடைக்கிறது. இடைப்பட்ட காலத்தில் தமிழ் இணையதளம் எவ்வளவோ மாறிவிட்டது. உண்மையில் வலைப்பதிவு தொடங்குவது குறித்த தொழில்நுட்பங்கள் எதுவும் எனக்குத் தெரியாது. இங்குள்ள நண்பர்கள் மூலம் விரைவில் தொடங்க முயற்சிக்கிறேன். உங்களுடைய வலைப்பதிவை இன்றுதான் கண்டேன். உடனே எனது favourites menu வில் இணைத்துவிட்டேன். தொடர்ந்து உங்கள் வலைப்பதிவை வாசித்துவிட்டு பின்னூட்டங்கள் இடுகிறேன்.
   உதிரிப்பூக்களைப் பற்றி நீண்ட கட்டுரையை விரைவில் எழுதுகிறேன். இன்னும் எனக்குப் பிடித்த திரைப்படங்களைப் பற்றியும்.
   அமெரிக்காவில் காலை எட்டு மணி தொடங்கி இரவு பன்னிரெண்டு மணி வரை ஆராய்ச்சிப் பணி. ஞாயிற்றுக்கிழமை மட்டும் விடுமுறை. சில சமயம் அன்றும் கூட ஆராய்ச்சிக்கூடத்துக்கு செல்ல வேண்டியிருக்கும். காலையில் கிளம்பும்போது எனது மூன்று வயது மகன் உறங்கிக் கொண்டிருப்பான். இரவு வீடு திருப்பும்போது மகனும் மனைவியும் உறங்கிக் கொண்டிருப்பார்கள். மனைவியிடம் பேசவும், மகனின் முகத்தைப் பார்க்கவும் ஞாயிற்றுக்கிழமைகளில்தான் முடியும். சம்பளம் மிகக் குறைவு. அமெரிக்கா போன்ற நாடுகளில் Postdoctoral fellows are the utmost under-employed and under-paid people என்பேன். குடும்ப வாழ்க்கை இப்படி. புத்தகம் படிக்கமுடியாமல், எதுவும் எழுத முடியாமல், நண்பர்களுக்கு அவ்வப்போது ஈமெயில் கொடுக்கக்கூட நேரமில்லாமல் போவது அதைவிடக் கொடுமை. இப்படி ஒரு வாழ்க்கை தேவையா என்று யோசித்தேன். ஏதோ ஒரு தைரியத்தில் இந்தியாவுக்கு வந்தேன். வந்த ஒரு மாத்த்தில் வேலை கிடைத்தது. இதுவும் நிரந்தரமான வேலை என்று சொல்லிவிட முடியாது. அமெரிக்காவில் கிடைத்த சம்பளத்தில் ஐந்தில் ஒரு பங்கு தான் இங்கு கிடைக்கிறது. ஆனால் நிம்மதி பல மடங்கு உயர்ந்துவிட்டது. இப்போது கலை இலக்கிய ஈடுபாடு பன்மடங்கு அதிகரித்திருக்கிறது. என்ன செய்வது…அன்றாட வாழ்க்கை சந்தோஷமாக இருந்தால், அதற்கு அப்புறம்தானே கலை இலக்கியம் சினிமா சமூகம் என்று சிந்தனை போகிறது!!!!
   இப்போது நான் தீவிரமாக இயங்கிவரும் தளங்கள்:
   1. எழுத்தாளர் பாமரனின் நாய்வால் திரைப்பட இயக்கத்தின் செயல்பாடுகள். சமீபத்தில் அவ்வியக்கம் சார்பாக கோவையில் நடைபெற்ற எம்.ஆர்.ராதா நூற்றாண்டு விழா, ‘எம்.ஆர்.ராதா - காலத்தின் கலைஞன்’ நூல் வெளியீட்டு விழா மற்றும் பெரியார் திரைப்படத்தில் நடித்ததற்காக சத்யராஜ் அவர்களுக்கு பாராட்டு விழா ஆகிய முப்பெரும் விழாவில் கலந்துகொண்டு உரையாற்றினேன். சத்யராஜ வெகுவாகப் பாராட்டினார்.
   2. காளான் பூக்கும் காலம் என்ற எனது முதல் கவிதை நூலுக்குப் பிறகு நான் எழுதி, பத்திரிகைகளில் இணையதளங்களில் பிரசுரமான கவிதைகள், பிரசுரமாகாத கவிதைகள், கட்டுரைகள், குறிப்புகள், திரைப்பட விமர்சனங்கள் என எல்லாவற்றையும் தொகுத்து ஒரு நூல் வெளியிடும் முயற்சியில் இருக்கிறேன்.
   3. கோவையில் இருந்து வெளிவரும் ‘தன்னம்பிக்கை’ என்ற மாத இதழுக்காக ஒரு தொடர் கட்டுரை எழுதுகிறேன். வருகிற ஜூன் மாதம் முதல் வெளிவருகிறது.
   4. ஆர்குட் இணையதளத்தில் இளையராஜாவின் திரைப்படப்பாடல்கள் குறித்து குறிப்புகள் எழுதத் தொடங்கியிருக்கிறேன்.
   5. இரண்டு நாட்களுக்கு முன்புதான் குமுதம் இதழில் ஞாநி எழுதும் ஓ..பக்கங்களுக்கு கடும் கண்டனம் தெரிவித்து ஒரு நீண்ட கட்டுரையை எழுதி முடித்திருக்கிறேன். எங்கே அனுப்புவது என்று முடிவு செய்யாமல் வைத்திருக்கிறேன்.
   6. உங்களைப் போன்ற பழைய நட்புகளின் (நட்பில் பழசு புதுசு உண்டா?) வலைப்பதிவுகளை தேடிப்பிடித்து பின்னூட்டங்கள் இட்டு வருகிறேன்.
   7. ஜெயமோகன் போன்ற எழுத்தாளர்களுக்கு மின்னஞ்சல் மூலமாக கடிதங்கள் எழுதத் தொடங்கியிருக்கிறேன்.

   மரத்தடியில் நான் எழுதியவை குறித்து என்னைப் பெருமைப்படுத்தும் விதமாக எழுதியிருந்தீர்கள். மிக்க மகிழ்ச்சி.

   மீண்டுமொரு பின்னூட்டத்தில் சந்திக்கிறேன்
   அன்புடன்
   எஸ். பாபு

3. # 3 மஞ்சூர் ராசா Says:
   August 20th, 2008 at 7:23 am

   என்றாவது ஒரு நாள் சந்திக்கவேண்டும் என்ற ஆவலை ஏற்படுத்தியவர்களில் எஸ்.பாபுவும் ஒருவர். அவரது மரத்தடி பதிவுகள் மூலம் பல கவிஞர்களையும் அவர்களின் கவிதைகளையும் தரிசிக்கும் வாய்ப்பு கிடைத்தது.

   நீண்ட நாட்களுக்கு பிறகு உங்கள் பதிவின் மூலம் அவர் கோவையில் தான் இருக்கிறார் என்பதறிந்து மகிழ்வுற்றேன். ஆனால் சமீபத்தில் கோவை போன போது சந்திக்க முடியவில்லை என்பது கொஞ்சம் வருத்தம் அளிக்கிறது.

   எப்படியும் அடுத்தமுறை கோவை செல்லும்போது சந்திக்க வாய்ப்பு கிடைக்கும் என்று நம்புகிறேன்.

   அன்பு பாபு: உங்களின் வலைப்பதிவை காணவும் பதிவுகளை படிக்கவும் ஆவல்.

Leave a Reply