திரைப்பார்வை

ஒரு நிறைமாதக் கற்பிணி அவளுடைய திருமண ஒத்திகையின்போது சுடப்படுகிறாள். அவளுடைய குழந்தையும், திருமண ஒத்திகைக்கு வந்திருந்த தோழிகள், சர்ச் பாதிரியார், அவரின் மனைவி, பியானோ வாசிப்பாளர் மற்றும் அவளுடைய கணவனாகப் போகிறவன் அனைவரும் இறக்கிறார்கள். இவள் மட்டும் ஐந்து வருடம் கோமாவில் இருக்கிறாள்.

கோமாவில் இருந்து விழிக்கும்போதே பிரச்சனைகளை எதிர்கொள்ளும் Beatrice Kiddo, தன்னைச் சுட்டவர்களை ஒவ்வொன்றாகப் பழிவாங்கும் கதையே Kill Bill part I & II. பில்(David Carradine)இன் அறுவர் அடங்கிய கொலைப்படையில் முக்கியமான ஆள் இந்த பியாட்ரிக்ஸ். ஒரு நாள் கொலைத்தொழிலுக்கு முழுக்குப் போட்டுவிட்டு, பெயரை எல்லாம் மாற்றிக்கொண்டு, டெக்சாஸில் ஏதோ ஒரு சின்ன சர்ச்சில் திருமணம் செய்ய விழைகிறாள். அந்தத் திருமண ஒத்திகையின்போதுதான் பில்லும் அவனது ஆட்கள் - Vernita Green (Vivica A. Fox), O-Ren Ishii (Lucy Liu), Budd (Michael Madsen), மற்றும் Elle Driver (Darryl Hannah) ஆகியோர் அனைவரையும் தீர்த்துக் கட்டுகின்றனர்.

முதல் பாகத்தில் திருமணம் செய்துகொண்டு குழந்தை குட்டி என்று வாழும் வேர்னிட்டா கிரீனையும், ஜப்பானிய மா·பியா கும்பல் தலைவியாக ர்ருக்கும் ஓ-ரென் இஷீ’ஐயும் பழி வாங்குகிறாள். இரண்டாம் பாகத்தில் மீதி இருக்கும் மூவரையும் ஒரு வழி செய்கிறாள்.

நீங்கள் சண்டைப் பிரியர் என்றால், சமீபத்தில் வந்த படங்களிலேயே இதுதான் மிகவும் சிறந்தப்படம் என்று சொல்வீர்கள். முதலாம் பாகத்தில், ஜப்பானிய கத்திச் சண்டை, இன்னபிற கராத்தே போன்ற சண்டைகள் இடம்பெற்றிருந்தன. அதுவும் ஜப்பானிய கொலைக்கும்பல்களைத் தீர்த்துக் கட்டும் இடம் தியேட்டரே இரத்த வெள்ளத்தில் மிதக்கிறது.

முதல் பாகத்தில் எனக்குப் பிடித்த காட்சி, ஜப்பானில் ஒக்கினாவா தீவிற்குச் சென்று Hattori Hanzo(Sonny Chiba) விடம் வாள் செய்விக்கும் கட்டம். ஆரம்பத்தில் இழையோடும் நகைச்சுவையும், பியாட்ரிக்ஸ் மீது ஹட்டோரி ஹன்zசோ படிப்படியாக மரியாதை வைக்கும் காட்சிகளும் நன்றாக இருந்தன.

அதேபோல ஜப்பானிய தோட்டத்தில் பனியில் ஓ-ரென் இஷீயும் பியாட்ரிக்ஸ¤ம் சண்டைபோடும் காட்சியும் அழகாக வடிவமைக்கப்பட்டிருந்தது.

முதலாம் பாகத்தில் சில நிமிடங்களே வந்துபோன திருமண ஒத்திகைக் காட்சி விலாவாரியாகக் காட்டப்படுகிறது. முதலாம் பாகம் கிழக்காசியாவில் நடந்ததென்றால், இரண்டாம் பகுதி அமெரிக்காவின் கௌ-பாய் பிரதேசத்தில் நடைபெறுகிறது. முதலாம் பாகத்தில் மொத்தமாக வசனம் இடம்பெற்ற காட்சிகள் ஏறக்குறைய ஒரு முப்பது நிமிடங்கள் என்றால், இரண்டாம் பாகத்தில் பியட்ரிஸ¤ம் மற்றவர்களும் வார்த்தைச் சண்டையும் போட்டுக் கொள்கிறார்கள். முக்கியமாக பில்-பியாட்ரிக்ஸ் பேசும் காட்சிகள் அருமை. ஓரிடத்தில் பில் தனக்கு காமிக்ஸ் ஹீரோக்களில் மிகவும் பிடித்தது சூப்பர்-மேன் என்று சொல்லி, ஏன் என்றும் விளக்குவார். அந்த ஒரு காட்சிக்காகவே, இத்திரைப்படம் காசட்டில் வரும்போது பார்க்கவிருக்கிறேன்.

இந்தப் பட இயக்குனர் Quentin Tarantino இதுவரை ஐந்தாறு படங்களே இயக்கியிருக்கிறார். ஆனால், சினிமாத்துறையினர் இவரைப்பெரிதும் மதிக்கிறார்கள். கு·பூ படங்கள். அமெரிக்க வெஸ்டேர்ன் படங்கள் என்று தமக்குப் பிடித்த படங்களை முன்மாதிரியாக வைத்து இந்தப் படங்களில் அவரைக் கவர்ந்த படக் காட்சிகளை Kill Bill I & IIஇல் வைத்திருக்கிறார். நான் பெருமளவு சண்டைப்படங்கள் பார்த்திராததினால், விலாவாரியாக அலச முடியவில்லை.

படத்தில் நடித்திருக்கும் அனைவரும் பாராட்டிற்குரியவர்கள் என்றாலும் பெண்கள் கவனத்தை ஈர்க்கிறார்கள். ஜப்பானிய கொலைக்கும்பலில் வரும் டீன்-ஏஜ் பெண், ஓ-ரென் ஈஷியாக நடித்திருக்கும் Lucy Liu, Elle Driverஆக நடித்திருக்கும் Darryl Hannah. Tarantinoவோடு சேர்ந்து திரைக்கதை அமைத்திருக்கும் Uma Thurman அருமையாகச் செய்திருக்கிறார்.

Beatrice Kiddo பல வருடங்கள் நினைவில் இருப்பாள்.

The Village (2004) - Manoj Shyamalan

மனோஜ் சியாமளனின் புதிய படம் ‘The Village’ ஜூலை 30 வெளியாகப்போகிறது. அவருடைய முந்தைய படங்களான, Sixth Sense, Unbreakable, The signs போலவே இப்படமும் இருக்குமென்று எதிர்பார்த்தேன். அப்படியே இருக்கிறது.

1897இல் பென்சில்வேனியாவில் Covington என்ற கிராமத்தில் ஏறக்குறைய அறுபது பேர் வசிக்கிறார்கள். இதுவரை அந்தக் கிராமத்தை விட்டு வெளியே செல்லவே இல்லை அவர்கள். காரணம் Covingtonஐச் சுத்தி இருக்கும் காடுகளில் இருக்கும் அசாதாரண உயிரினங்கள் (Mythical creatures). இதைப்பற்றி இப்போதே ஆராய்ச்சி செய்ய ஆரம்பித்துவிட்டார்கள்.

இந்த அசாதாரண உயிரினங்களுக்குப் பயந்து மக்களைக் கிராமத்திலேயே வைத்திருப்பது பற்றி மாறுபட்ட கருத்துகள் கொண்டிருக்கும் Lucius Huntஉம், கிராமத்தலைவரின் மகளும் காதல் வயப்படுகின்றனர்.

பொதுவாக மனோஜ் சியாமளனின் படங்கள் வெளிவரும்போது விமர்சனங்கள் முழுக்கதையையும் சொல்லுவதில்லை. Sixth Sense தொடக்கம், சியாமளனின் படங்கள் “ஓ.ஹென்றி”த்தனமான முடிவுகளுடனேயே இருந்திருக்கிறது. இந்தப் படமும் இதற்கு விதிவிலக்கில்லை என்று நினைக்கிறேன். முதலில் சுவாரசியமாக இருந்த இந்த டெக்னிக் இப்போது போரடிக்க ஆரம்பித்துவிட்டது. மனோஜ் சியாமளன் மிகுந்த திறமைசாலி என்பதை அனைவரும் ஒப்புக்கொள்வோம். அதன்படி சீக்கிரம் அவருடைய பாணியை மாற்றிக்கொள்ள வேண்டும். ஒரு சிறிய வட்டத்துக்குள் உழன்று கொண்டிருக்கக்கூடாது. அப்படி செய்யமாட்டார் என்றும் நம்புவோம். Booker பரிசு வாங்கிய ‘The life of Pi’ நாவலை படமாக்குவது பற்றிய செய்திகளில் மனோஜின் பெயரும் அடிபடுகிறது. அப்படியே நடக்கும் என்று எதிர்பார்ப்போம்.

இப்போது மறுபடியும் The Villageகு.

(Adrien Brody and Bryce Howard)

Lucius Hunt ஆக நடிப்பது Gladiator, The Signsஇல் நடித்த Joaquin Phoenix. கிராமத்தலைவராக நடித்திருப்பது Willium Hunt. இவரது கடைசிப்படம் The Blue butterfly. (கியூபெக் மாகாண நிஜக் கதை இந்த The Blue Butterfly. காசட் வந்ததும் பார்த்துவிட்டுச் சொல்கிறேன்) கிராமத்தலைவரின் மகள் Elizabeth Walkerஆக Judy Greer. இவர்களைத் தவிர, Sigourney Weaver, Adrien Brody (The Pianist), Cherry Jones (The Signs - போலீஸாக வருவாரே) மற்றும் Ron Howardஇன் மகள் Bryce Dallas Howard. இவர்களுடன் மனோஷ் சியாமளனும் ஏதாவது ஒரு வேடத்தில் வருவார் என்று எதிர்பார்க்கலாம். அவருடைய அபிமானத்திற்குரிய Alfred Hitchcock போல இவருடைய படங்களில் ஏதேனும் சிறிய வேஷங்களில் தோன்றும் பழக்கம் உடையவர் மனோஷ் சியாமளன். இது குறித்து ஆராய்ந்த ஒருவர் கூறுவது. மனோஷ் சியாமளன் ஏதேனும் சிறிய வேடத்தில் வருவதாக இருந்தால், இந்தியனாகத்தான் வரமுடியும். Sixth Sense டாக்டர் போல The signs - Dr.Reddy போல. இந்தப் படம் நடப்பதோ 1897இல். ஆனால், அமெரிக்கன் censusஐத் தேடிப்பார்த்ததில் அந்த வருடம் 2050 இந்திய வம்சாவளியினர் வாழ்ந்ததாக இருக்கிறதாம். ஆகவே சியாமளன் ஏதேனும் சிறிய வேடத்தில் தென்படலாம்.

படம் பற்றிய செய்திகளோ, புகைப்படங்களோ வெளிவராத இந்த நேரத்தில், மனோஜ் சியாமளனின் ஸ்கிரிப்ட் கைக்குக் கிடைத்திருப்பதாகச் சொல்லி நான்கைந்து கட்டுரைகள் வந்திருக்கின்றன. அவற்றில் ஒன்று - http://www.filmjerk.com/nuke/article603.html

படத்தின் இணையப்பக்கம் - http://thevillage.movies.go.com/main.html

போன வாரம் Hidalgo படம் பார்க்க முடிந்தது. பார்த்ததற்கு மிகவும் முக்கிய காரணம் - அட! ஒரே ஒரு காரணம். அது Viggo Mortensen. யார் அது என்று கேட்கிறீர்களா? அதாங்க நம்ம Lord Aragorn. அதை முதல்லயே சொல்ல வேண்டியதானே என்கிறீர்களா? சொல்லி இருக்கலாம்தான். ஆனா, நானே கொஞ்சம் கொஞ்சமா இந்த Lord Aragorn ஜொள்ளுப் படலத்தை முடிச்சுக்கலாம்னு பார்க்கிறேன். என்னங்க செய்யுறது. முதலாவது ‘Lord of the Rings’ல ‘ரேஞ்சர்’னு வந்த முதல் காட்சியிலேயே நான் flat. அதுக்கப்புறம் இன்னும் எந்திரிக்கலை. இப்படியே போனா சரிவராதுன்னு சொல்லிட்டுத்தான் பித்தம் தெளியவைக்கப் பார்க்கிறேன்.

அரகோர்ன் நடிச்சிருக்கார்னு சொல்லிக்கிட்டே 28 Daysங்கற படத்துல பார்த்து என்னடா இந்தாளுக்கு கறுப்புத்தலைமுடியே இல்லையான்னு வெறுத்துப்போயிட்டேன். டிராக் மாறிக்கிறேன். இல்லைன்னா, எதைச் செய்யக்கூடாதுன்னு நினைச்சனோ அதை செய்ய ஆரம்பிச்சிருவேன்.

Hidalgo 1890களில் Frank Hopkins என்ற அமெரிக்க கௌ பாய் ஒருவன் அரேபியாவுக்கு தன்னுடைய குதிரையோடு பயணம் செய்து, அங்கே நிகழும் பாலைவனக் குதிரைப்பந்தயத்தில் வென்ற கதை. Frank Hopkins என்ற நிஜ கௌ பாய், 1950கள் வரை வாழ்ந்திருந்தாலும், அவர் சொன்னதில் பெரும்பாலும் உண்மை இல்லை என்று சொல்கிறார்கள். இந்த பாலைவனக் குதிரைப்போட்டிக்கதையும் அந்த வகையறாவே என்று சொல்கிறார்கள். அது உண்மையாக இருக்கக்கூடும் என்று நானும் நினைக்கிறேன்.

பாதி வெள்ளைக்கார, பாதி அமெரிக்கப் பழங்குடியின வம்சாவளி என்று கூறிக்கொள்ளும் Frank Hopkins, அவனுடைய குடியைச் சார்ந்தவர்களின் படுகொலையினால் பெரிதும் பாதிக்கப்பட்டு, எங்கேயோ நடமாடும் குதிரை சர்க்கஸில் சேர்ந்து பாதி நேரம் குடிபோதையில் கிடக்கிறான். உலகிலேயே சிறந்த குதிரை என்று எங்கேயோ ஒரு மூலையில் நடக்கும் சர்க்கஸில் பங்குபெறும் Hidalgoவையும் அதன் உரிமையாளரான நம் ·ப்ராங்கையும் தேடி, அரேபிய சுல்தானின் ஆள் வருகிறார். தம் குதிரை சிறந்த குதிரை என்று சாதிக்கும் ·ப்ராங்கிடம் போட்டியில் கலந்துகொள்ளுமாறு சொல்கிறார். அதன்படியே, நண்பர்களின் தூண்டுதலோடு அரேபியாவிற்குப் பயணிக்கிறார் ‘கௌ பாய்’.

அங்கே சுல்தானாக வருவது ‘Lawrence of Arabia’ உமர் ஷெரீ·ப். ரொம்பவும் பாந்தமான அப்பா, ரொம்பவும் இதமான சுல்தான். Lawrence of Arabiaவின் ஷெரி·ப் அலியை நினைத்துக்கொண்டேன்.

சரி நம்ம ஹீரோகிட்டயும், படத்துக்கிட்டயும் வருவோம். படம் பெரிதாக ஒன்றும் சிலாகிக்க கூடியதில்லை. பல காட்சிகள் (ஒட்டு மொத்தப்படமே!) நம்ப முடியாமல் இருக்கிறது. கொஞ்சம் சிரத்தை எடுத்து, பழைய நாட்களில், இப்போது நம் ஊரிலும் ஹீரோயிசத்துடன் படம் எடுக்கிறார்களே அவற்றை நினைத்துக்கொண்டால் போதும். மூளையைக் கழற்றி வைத்துவிட்டு இரசிக்கலாம்.

இந்தப் படத்தைப் பொறுத்தவரை Viggo Mortensen நன்றாகத் தேர்வு செய்திருக்கிறார். நான்கு வருடங்களாக லார்ட் ஆரகோர்ன் பாத்திரத்தில் நடித்து மக்கள் மனதிலும் இடம் பெற்றுவிட்ட பிறகு முற்றிலும் மாறுபட்ட பாத்திரத்தில் நடிப்பது மிகவும் கடினம். மக்களும் சட்டென்று உருவ, கதாபாத்திர மாற்றத்தை உள்வாங்க மாட்டார்கள். அம்மட்டில் இது Mortensenகு நல்ல ஐடியா. உருவ மாற்றம் ஒன்றுதான் இங்கே நிகழ்ந்திருக்கிறது. பெண்கள் பொறாமைப்படும் கருங்கூந்தல் (சவுரி? ), தாடி என்று இருந்தது மாறி, ஏறக்குறைய நிஜ உருவத்தைக் காட்டுகிறார். ஆனால் குதிரையில் ஓடுகிறார், ஓடுகிறார் ஓடிக்கொண்டே இருக்கிறார். அந்த வகையில் மக்களுக்கு பெரிய அதிர்ச்சியைக் கொடுக்கவில்லை. ஆரம்பத்தில் படத்தில் ஒட்ட சிரமப்பட்டாலும், படிப்படியாக படத்தில் ஆழ்ந்துவிடுகிறோம். Mortensen அடுத்த படத்தில் 16ஆம் நூற்றாண்டு ஸ்பானிஷ் போர்வீரனாக இருந்து பிறகு கூலிப்படைக்காரனாக மாறும் பாத்திரம் ஒன்றில் நடிக்கிறாராம்.

(Pirates of the Carribean: the curse of the black pearl பார்த்தீர்களா? Legolasஐ (Orlando Bloom) ஏறக்குறைய நிஜ உருவத்தில் பார்க்கும்போது மிகவும் வித்தியாசமாக இருந்தது.)

மொத்தத்தில் Hidalgo குழந்தைகளுக்கும், குதிரைப் பிரியர்களுக்கும், ஹீரோயிசப் படங்களை எதிர்பார்ப்பவர்களுக்கும் **மிக முக்கியமாக லார்ட் ஆரகோர்ன் விசிறிகளுக்கு**.

படத்தில் சிலாகிக்கக்கூடிய விஷயம் என்னவென்றால், கிராபிக்ஸ் காட்சிகள் பயன்படுத்தாமை. பாலைவனத்தில் எலும்புக்கூடு ஏதாய்ச்சும் எந்திரிச்சு நடனமாடி இருந்துச்சுன்னா என்ன செஞ்சிருப்பேன்’னு தெரியாது.